چینی کا بحران،حکومت بے بس!

لاگ ان
Login

ای میل
پاس ورڈ

عدلیہ کی جانب سے جاری کردہ فیصلے کے مطابق کہ ملک بھر میں چینی مارکیٹ میں 40 روپے فی کلو گرام سے زیادہ ہرگز فروخت نہیں کی جائیگی کے باوجود ملک بھر خصوصاً سندھ میں ابھی تک عدلیہ کے احکامات پر عملدرآمد نہیں ہورہا اور عام مارکیٹ میں آج بھی چینی 50 روپے کلو گرام فروخت کی جارہی ہے۔اس مد میں آخر کار عدلیہ کی جانب سے بھی یہ ریمارکس منظر عام پر آگئے کہ صوبائی حکومتیں بری طرح ناکام ثابت ہوچکی ہیں ورنہ کیا وجہ ہے کہ صوبائی حکومتیں جن کی زیردست پولیس فورس اوررینجرز کے ہوتے ہوئے بھی عوام کو ریلیف دیئے جانے سے متعلق عدالتی احکامات پر عملدرآمد نہیں کیا جارہا اس ضمن میں کئے جانے والے جنگ سروے کے مطابق ملک کے غریب عوام کو انتہائی بااثر ملک و سماج دشمن فیکٹر جو حکومتی رٹ کوبھی خاطر میں نہیں لاتے ان کے رحم و کرم پر چھوڑ دیا گیا ہے۔ غالب گمان ہے کہ ایسا سماج دشمن فیکٹر جس پر نہ صرف حکومت قابو پانے میں بے بس نظر آتی ہے بلکہ اس بے لگام فیکٹر نے عدالتی احکامات کو ماننے سے بھی صاف انکار کردیا ہے۔ کیا یہ ممکن نہیں کہ یہ بے لگام فیکٹر اقتدار ہی میں موجود ہو ورنہ کیا وجہ ہے کہ حکومت ان کے سامنے بے بس نظرآتی ہے۔ ہمارا ملک نہ صرف خالصتاً زرعی ملک ہے بلکہ سرزمین وطن بفضل خدا ہر نعمت سے مالا مال ہے لیکن لمحہ فکریہ یہ ہے کہ ہمارے اس زرعی ملک کے باشندے حاصل آزادی کو 62 سال گزرنے کے ساتھ ساتھ ضروریات زندگی سمیت بنیادی ضروریات آٹا ہویاچینی، گھی ہو یا دالیں غرضیکہ ہرخوردو نوش کی اشیائے صرف کی ہوشربا قیمتیں غریب اور متوسط طبقے کی دسترس سے باہر ہوچکی ہیں جبکہ دوسری جانب پڑوسی ملک بھارت کی جانب سے بذریعہ میڈیا اسلام آباد کو آفر کی گئی ہے کہ وہ اشیائے خوردونوش خصوصاً آٹا اور چینی کیلئے بجائے سمندر پار ملکوں سے رابطہ کرکے اپنے پڑوسی ملک بھارت سے آٹے اور چینی کی خریداری کیلئے رابطہ کریں حکومت بھارت کے مطابق ہم پاکستان کو مطلوبہ ضروریات کے مطابق آٹا اور چینی اس قدر سستا فراہم کرسکتے ہیں کہ ہماری برآمد کردہ معیاری چینی اور اے ون معیاری آٹا پاکستان کے غریب عوام کی دسترس سے بھی باہر نہیں ہوگا۔ ہمارا مجوزہ برآمد کردہ آٹا پاکستان کی عام مارکیٹ میں 19 روپے اور چینی 25 روپے فی کلو گرام دستیاب ہوسکتی ہے۔ پڑوسی ملک بھارت کی یہ پرکشش پیشکش اس بات کی غمازی کرتی ہے کہ آج 62 سال بعد بھی بین الاقوامی سطح پر بھارت کہاں اور پاکستان کہاں کھڑا ہے۔

کیا حکومت واقعی شوگر ملزمالکان کے سامنے بے بس ہوگئی ہے؟

آپ کے خیال میں چینی کے بحران پر کس طرح قابوپایا جاسکتا ہے؟

بھارت کی پیشکش قبول کی جاسکتی ہے؟

اپنی رائے سے آگاہ کریں

تبصرہ کریں	تبصرے ( 21 )	احباب کو بھیجئے

ShareThis

تبصرہ کریں
آپ کا نام
ای میل ایڈریس
شھر کا نام
ملک
تبصرہ
کوڈ ڈالیں
		Urdu Keyboard

محمد اعظم رشید، فیصل آباد، یہ جو کچھ بھی ہورہا ہے،ان سیاسی لیڈرز کی کرپشن ہے،حکومت اور عہدیداران سب مزے کر رہے ہیں، لیکن عوام تکلیف میں ہیں،-حکومت بظاہر بے بس نظر ااتی ہے لیکن اپنے مفاد کے سارے کام کرتی ہے،

Muhammad Azam Rasheed

Posted on: Sunday, November 01, 2009

-محسن عباس۔الخبر، یہ بحران حکومت کو خود ہی پیدا کردہ ہے حکومت کو معولم ہونا چاہیئے کہ عوام اندھے بہرے نہیں ہیں ، حالات کو سمجھ رہے ہیں،چینی عوام کو نہیں مل رہی ہے جو بھی قصور وار ہے وہ موجودہ حکومت ہے،سپریم کورٹ کے حکم کی حکم عدولی سے ظاہر ہے کہ ہمارے ملک میں قانون کا حترام کتنا کیا جاتا ہے،

Mohsin Abbas

Posted on: Saturday, October 31, 2009

-نازلی،لاہور۔ یہ سارا بحران خود حکومت کا پیدا کردہ ہے حکومت اتنی با اختیار ہوتی تو یہ نہیں ہوتا جو آج دیکھنے میں آرہا ہے

nazli

Posted on: Friday, October 30, 2009

-ثناء، لاہور،دنیا کے کسی ملک میں ایسا نہیں ہوتا،اتنی مہنگائی بھی کہیں نہیں ہوتیں،ہماری حکومت بے بس ہے وہ کچھ نہیں کرسکتی،سپریم کورٹ کے فیصلے کے بعد کیا ہوا، کیاعوام کو چینی مل گئی، اللہ سے دعاء کرسکتے ہیں،

sana

Posted on: Thursday, October 29, 2009

-محمد وسیم خان، کراچی، ماشاءاللہ اس ملک کو نظر نہ لگے، اس ملک میں کیا کچھ نہیں ہے اللہ تعالی کا دیا سب کچھ ہے، لیکن ہم نے قدر نہین کی،یہ جو ملک میں بحران ااتے ہین یہ حکومت کے اپنے بنائے ہوئے ہوتے ہیں، چینی آتا سب کچھ مل سکتا ہے اگر ذاتی مفاد نہ ہو تو،

MUHAMMAD WASEEM KHAN

Posted on: Thursday, October 29, 2009

-اے جے بابر ، فلپائن، اگر چینی خریدنا ہی ہے تو کسی بھی ملک سے خریدسکتے ہین بھارت ہی کیوں؟ خریدنے میں دیر کیوں،عوام کی تکلیف کو سمجھیں،

a j babar

Posted on: Wednesday, October 28, 2009

-فہدخان، شکاگو،حکومت بے بس نہیں ہے وہ یہ چاہتی ہے کہ ملک میں ہر طرح کا بحران رہنے سے پتہ چل سکے گا کہ حکومت میں کیا ہورا ہے،اور کیسے چل رہی ہے، عوام کو ریلیف نہیں ملے گا تو وہ بارہا حکومت ہی کو یاد کرین گے کینکہ ہم ایک زرعی ملک ہیں،

Fahad Khan