برطانوی الیکشن میں ایشیائی کمیونٹی کا کردار

لاگ ان
Login

ای میل
پاس ورڈ

برطانوی الیکشن 2010ء میں ایشیائی کمیونٹی کی دلچسپی ماضی کے مقابلے میں بہت زیادہ دکھائی دے رہی ہے۔اگرچہ ان انتخابات میں لیبر پارٹی ، کنزرویٹو پارٹی ، لبرل ڈیموکریٹ پارٹی ، یوکے انڈیپنڈنس پارٹی، گرین پارٹی ،برٹش نیشنل پارٹی سمیت کئی ایک چھوٹی بڑی پارٹیاں مدمقابل ہیں۔لیکن مبصرین اور ووٹرز کا رجحان زیادہ تر لیبر پارٹی، کنزرویٹو پارٹی اور لبرل ڈیموکریٹ پارٹی کی طرف دکھائی دیتا ہے۔برطانوی شہریوں کی ایک بڑی تعداد چونکہ ایشیائی باشندوں پر مشتمل ہے اس لیے موجودہ انتخابات میں ان کی دلچسپی ایک لازمی امر ہے۔ بہت سی نمائندہ پارٹیوں کے پلیٹ فارم سے ایشیائی باشندے الیکشن میں حصہ بھی لے رہے ہیں۔دلچسپ بات یہ ہے کہ برطانوی الیکشن میں کون کس کو ووٹ دے گا۔ اس بات کا فیصلہ پاکستان کے بعض شہروں میں ہو رہا ہے۔ جن میں میرپور آزاد کشمیر ، گجرات، جہلم اور بعض دیگر علاقے شامل ہیں۔ چونکہ ان علاقوں سے تعلق رکھنے والے بہت سے خاندان برسوں سے برطانیہ میں آباد ہیں اور کئی ایک خاندانوں کی نئی نسل وہیں پروان چڑھی ہے لیکن اس کے باوجود خاندانی روایات کوملحوظ خاطر رکھتے ہوئے وہ پاکستان میں آباد اپنے بزرگوں کی رائے کا احترام کرتے ہیں ۔ یہی وجہ ہے کہ برطانوی الیکشن میں حصہ لینے والے کئی ایک امیدواروں نے رائے دہندگان کو اپنی طرف متوجہ کرنے کے لیے پاکستان میں موجود ان کے خاندانوں سے بھی رابطہ کیا ہے۔ آپ کے خیال میں کیا برطانیہ میں آباد پاکستانی کمیونٹی واقعی فیصلہ کن کردار ادا کرسکتی ہے یا یہ بیگانی شادی میں عبداللہ دیوانے والی بات ہے؟

تبصرہ کریں	تبصرے ( 12 )	احباب کو بھیجئے

ShareThis

تبصرہ کریں
آپ کا نام
ای میل ایڈریس
شھر کا نام
ملک
تبصرہ
کوڈ ڈالیں
		Urdu Keyboard

مظہر عباسی، اسلام آباد…یہ بیگانی شادی میں عبداللہ دیوانہ والی بات ہے،ہمارے سیاست دانوں کو وہاں سے نہ صرف الیکشن لڑنا چاہئے بلکہ جیتنا بھی چاہئے، پھر معلوم ہوجائے گا کہ وہ وہاں کتنی دولت جمع کرتے ہیں یا جیل جاتے ہیں۔

mazhar abbasi

Posted on: Friday, May 07, 2010

امیر حسن،لندن…ان انتخابات میں انتہائی سخت مقابلہ ہے اور نتائج غیر متوقع ہیں۔ تما م میڈیا کنزروویٹو کی حمایت اور لیبر پارٹی کی مخالفت کررہا ہے جبکہ لیبر پارٹی پاکستانی کمیونٹی کیلئے کنزرویٹو کے مقابلے میں زیادہ مدد گار رہی ہے۔کنزر ویٹو ز امیگریشن پالیسی میں لیبر پارٹی کی مخالف رہی ہے۔اگر ایماندار ی سے پوچھا جائے تو اس بار بہت مشکل ہے کہ کس جماعت کو ووٹ دیا جائے۔

Ameer Hasan