| اسلام آباد (صالح ظافر) وزیراعظم گیلانی نے جعلی ڈگریوں کے متعلق رپورٹ قومی اسمبلی کی قائمہ کمیٹی برائے تعلیم میں جمع کرانے کے کیلئے تاحال ہائر ایجوکیشن کمیشن کے چیئرمین کوکوئی ہدایات جاری نہیں کیں۔ وزیراعظم گیلانی خود پانچ سال تک قومی اسمبلی کے چیئرمین رہ چکے ہیں اور وہ پارلیمنٹ کی کمیٹیوں کے متعلق طریقہ کار کے حوالے سے اچھی طرح واقفیت رکھتے ہیں۔ کسی کو بھی ان کی پارلیمانی امور سے نمٹنے کی صلاحیتوں پر شک نہیں ہونا چاہئے۔ ذرائع کے مطابق ڈگریوں کے حوالے سے وزیراعظم گیلانی کا موقف انتہائی واضح ہے اور وہ کسی طرح کی جعل سازی کی حمایت نہیں کرتے کیونکہ وہ خود زندگی بھر تعلیم کے فروغ کیلئے جدوجہد کرتے رہے ہیں۔ ذرائع کے مطابق اس ایشو کے حوالے سے قواعد اور طریقہ کار سے انحراف سے پارلیمانی اور کمیٹیوں کے نظام میں بگاڑ پیدا ہوسکتا ہے اور اگر کسی کمیٹی کے چیئرمین کو زیر بحث معاملے میں کسی طرح کا ابہام ہے تو وہ متعلقہ آفس سے وضاحت حاصل کرسکتا ہے اور چاہے تو وزیراعظم سے ملاقات بھی کرسکتا ہے۔ |
|
