واشنگٹن. . . .. . .امریکی صدرباراک اوباما نے افغان صدر حامد کرزئی پر زور دیا ہے کہ وہ دوسری مدت کے لیے انتخاب کے بعد افغانستان میں بہتر حکمرانی اور بدعنوانی کے خاتمے کے لیے اقدامات کریں۔اپنے افغان ہم منصب سے ٹیلے فون پر بات کرتے ہوئے امریکی صدر کاکہناتھا کہ وہ افغانستان کی صورت حال میں بہتری اور استحکام چاہتے ہیں۔انہوں نے کہا کہ اچھی حکمرانی اور بدعنوانی کے خاتمے کے حوالے سے پیش رفت کا جائزہ لیا جائے گا۔اوروہ مثبت نتائج کی امید رکھتے ہیں۔
