لاہور . . . آئی جی پنجاب طارق سلیم ڈوگر نے راولپنڈی اور لاہور میں ہونے والے دہشت گردی کے واقعات کی تحقیق کیلئے راولپنڈی پولیس اور سی آئی ڈی کے افسران پر مشتمل جوائنٹ انویسٹی گیشن ٹیم تشکیل دے دی ہے۔راولپنڈی اور لاہور میں ہونے والے خود کش حملوں کے بعد رات گئے آئی جی پنجاب نے اپنے دفتر میں راولپنڈی اور لاہورپولیس کے افسران کے ساتھ خصوصی اجلاس میں دونوں واقعات کے مختلف پہلوؤں کا تفصیلی جائزہ لیااور اس سلسلے میں کئی اہم فیصلے کیے گئے۔ اجلاس میں آئی جی پنجاب نے جوائنٹ انویسٹی گیشن ٹیم کو ان واقعات کی جلد از جلد تفتیش مکمل کر کے رپورٹ پیش کرنے کی ہدایت کی ۔آئی جی نے ان واقعات کے تناظر میں صوبہ بھر کے پولیس افسران کوالرٹ رہنے اور تخریب کار عناصر کے خلاف کریک ڈاؤن کرنے کی ہدایات بھی جاری کیں۔
|
