ابو ظہبی…ابو ظہبی میں پاکستان اور نیوزی لینڈ کے مابین کھیلی جانے والی3ایک روزہ میچوں کی سیریز کے پہلے میچ میں پاکستان کرکٹ ٹیم نے ٹاس جیت کر مقررہ50اوورز میں9وکٹوں کے نقصان پر287رنز بناکرنیوزی لینڈ کی ٹیم کو میچ میں فتح کیلئے288رنز کا ہدف دیا ہے۔پاکستان کی اننگز کا آغاز اچھا نہیں تھا،پاکستان کی ابتدائی دو وکٹیں اس وقت گریں جب پاکستان کا مجموعی اسکور صفر تھا۔ اوپنر سلمان بٹ اور کپتان یونس خان اسکورمیں کوئی اضافہ کئے بغیر ہی پویلین لوٹ گئے۔دوسرے اوپنر خالد لطیف64 اورتجربہ کار محمدیوسف نے اننگز کو سنبھالا دیا اور اسکور کو 57رنز تک پہنچایا اس اسکور پر محمد یو سف 30رنز بنا کر رن آؤٹ ہو گئے۔عمر اکمل بھی آج جم کر نہ کھیل سکے اور9رنز بنا کر آؤٹ ہو گئے۔پاکستان کی اننگز کی خاص بات شاہد آفریدی کے جارحانہ70رنز تھے جس میں3چھکے اور4چوکے شامل تھے۔آخر میں وکٹ کیپر بیٹسمین کامران اکمل نے بھی عمدہ اننگ کھیلی اور67قیمتی رنز کا اضافہ کیا جس میں5چوکے اور4چھکے شامل تھے۔نیو زیلینڈ کی جانب سے شین بونڈ اور کپتان ویٹوری نے2،2وکٹیں حاصل کیں۔
|
