کراچی .. . . .... کراچی کے علاقے قائد آباد میں پولیس نے کارروائی کرتے ہوئے ذخیرہ اندوزی کے لئے چھپائے جانے والے چینی کے ٹرک کو تحویل میں لیکر 50 کلو والے4 سو سے زائد تھیلے بر آمد کرلئے ۔ پولیس کے مطابق لانڈھی میں قائد آباد کے قریب حکومتی اعلانات کے باوجود غیر قانونی طور پر چھپائی جانے والے چینی کے بوروں سے لدھے ایک ٹرک کو تحویل میں لیکر کر ڈرائیور کو حراست میں لے لیا گیا ۔ پولیس ذرائع سے حاصل ہونے والی اطلاعات کے مطابق چینی کے ٹرک پر 50 کلو وزن والی 4 سو سے زائد چینی کے تھیلے ہیں جیو نیوز کی ٹیم سے گفتگو کرتے ہوئے پولیس حکام کا کہنا ہے کہ مزید تفتیش کی جارہی ہے جس کے بعد میڈیا کو تفصیلات فراہم کی جائے گی کہ شوگر مل سے مال نکلا تھا اور کہا منتقل کیا جانا تھا ۔ تحویل میں لئے جانے والے ملزم اور چینی سے لدھے ٹرک کو قائد آباد تھانے میں منتقل کردیا گیا ہے۔
