بروقت روانہ ہونے والے عازمین کیلئے اضافی پروازوں کی درخواست
اسلام آباد…وفاقی وزیر برائے مذہبی امور حامدسعیدکاظمی نے کہا ہے سعودی حکومت سے ان پانچ ہزار حجاج کیلئے اضافی پروازوں کی درخوست کی گئی ہے جو مختلف وجوہات کی بنا پر حجاز مقدس کیلئے بر وقت روانہ نہیں ہو سکے ۔ جیو نیوز سے خصوصی گفتگو میں وفاقی وزیر کا کہنا تھا کہ ان حجاج کے ویزے نہیں لگے جو ٹور آپریٹرز کے توسط سے جا رہے ہیں یا جنہیں سعودی حکومت کی جانب سے ابھی تک بار کوڈ ایشو نہیں کئے جا سکے۔ وفاقی وزیر نے کہا کہ حاجی کیمپوں سے تاخیر سے ایئرپورٹ پورٹ روانگی کے ذمہ دار سرکاری عملے کے خلاف سخت کارروائی کی جائے گی ۔
|
