این آر او سے مستفید ہونیوالوں کو ضمانت قبل از گرفتاری کروانا ہوگی ، قاضی حسین
اوکاڑہ …سابق امیرجماعت اسلامی قاضی حسین احمد نے کہا ہے کہ این آر او سے فائدہ اٹھانے والوں کو ضمانت قبل از گرفتاری کروانا ہوگی یا ملک چھوڑنا ہو گا۔اوکاڑہ میں پریس کانفرنس کرتے ہوئے انہوں نے کہا کہ این آر او کو پارلیمنٹ میں پیش نہ کرنے کی وجہ ایم کیو ایم ہے جو اچھی بات ہے، لیکن لندن میں بیٹھا حکومت کا اتحادی اتنااہم ہے کہ ان کے کہنے پر ایم کیو ایم اور پیپلز پارٹی کے مذاکرات دوبئی میں ہو رہے ہیں۔انہوں نے کہا کہ حکومت امریکاسے ناطہ توڑ لے تو حالات خودبخود ٹھیک ہو جائیں گے۔قاضی حسین احمد کا کہنا تھا کہ یہ سچ ہے کہ پاک فوج نے وزیرستان میں فتح حاصل کرلی ،اب عوام کے دل جیتنے کی ضرورت ہے۔
