ہاکی کوالیفائنگ راؤنڈ : پولینڈ نے پاکستان کو شکست دیدی
لیل…ہاکی ورلڈ کپ کوالیفائنگ راؤنڈ میں مسلسل چارمیچ جیتنے والی پاکستان ٹیم فائنل سے پہلے آخری لیگ میچ میں شکست سے دوچارہوگئی۔پولینڈنے دوگول کے خسارے میں جانے کے باوجودپاکستان کو دوکے مقابلے میں تین گول سے ہرادیا۔فرانس کے شہرلیل میں جاری ایونٹ میں پاکستان کوپولینڈکیخلاف میچ کے تیسرے ہی منٹ میں برتری حاصل ہوگئی جب محمدوقاص گول کرنے میں کامیاب ہوگئے۔دوسرے ہاف کے آٹھویں منٹ میں محمدزبیرنے گول کرکے پاکستان کودوصفر کی سبقت دلادی۔اس کے بعدپاکستان ٹیم آف کلرہوگئی ،پولش ٹیم نے پاکستان ٹیم کوبھرپورجواب دیااور نہ صرف میچ میں واپس آئی بلکہ ایک گول کی برتری لینے میں کامیاب ہوگئی جو آخرتک برقراررہی۔پاکستان ٹیم پہلے ہی فائنل میں جگہ بناچکی ہے۔
