پشاور…پشاور سمیت سرحد بھر میں تین روزہ پولیو مہم 16 نومبر سے شروع ہو رہی ہے جس میں پانچ سال سے کم عمر کے بچوں کو پولیو کے قطرے پلائے جائیں گے ۔ ای پی ائی سرحد کے ڈپٹی ڈائریکٹر ڈاکٹر مجاہد حسین نے جیو نیوز کو بتایا کہ رواں سال سوات سمیت سرحد بھر میں پولیو کے 42کیسز سامنے آئے ہیں۔ جس کے باعث ہر ماہ دو بار پولیو مہم چلائی جا رہی ہے۔ انہوں نے کہا کہ تین روزہ پولیو مہم 16 نومبر سے شروع کی جا رہی ہے۔ ڈاکٹر مجاہد حسین کا کہنا تھا کہ تین روزہ پولیو مہم کے دوران 57 لاکھ بچوں کو پولیو کے قطرے پلائے جائیں گے۔ انہوں نے کہا کہ بچوں پولیو مہم میں وٹامن ڈی کے قطرے بھی پلائے جائیں گے۔ ان کا کہنا تھا کہ فاٹا ایجنسی میں بھی بچوں کو پولیو کے قطرے پلائے جائیں گے ۔
