عوام کومقررہ نرخوں پرچینی نہ ملی تو ذمے داروں کو معاف نہیں کرونگا،شہباز شریف
لاہور…پنجاب کے وزیراعلیٰ شہباز شریف نے کہاہے کہ اگرعوام کومقررہ نرخوں پرچینی کے حصول میں کسی بھی قسم کی کوئی دشواری ہوئی تو وہ ذمے داروں کو معاف نہیں کریں گے۔یہ بات انہوں نے ایوانِ وزیراعلیٰ لاہورمیں چینی کے حوالے سے اعلیٰ سطح کے اجلاس کی صدارت کرتے ہوئے کہی، وزیراعلیٰ پنجاب نے کہاکہ انتظامیہ شوگر ملز ایسوسی ایشن کے ساتھ مل کر ایساقابل عمل فارمولاوضع کرے جس کے تحت تمام مارکیٹوں میں چینی باآسانی دستیاب ہوسکے،انہوں نے عوام کومقررہ نرخوں پرچینی کی فراہمی یقینی بنانے کی ہدایت کی اورکہاکہ مارکیٹ میں چینی کے ایک ایک اوردو، دو کلو کے تھیلے لائے جائیں تاکہ صارفین کوکسی بھی قسم کی دشواری کاسامنانہ کرناپڑے، شہبازشریف نے ذخیرہ اندوزوں کے خلاف سخت کارروائی کرنے اوراس مقصدکیلئے خصوصی ٹیمیں تشکیل دینے کی ہدایت بھی کی۔
